Ahad Qayum - Muhabbat va nafrat

Bugun bir insonning qo'lidan tutdim
Ammo boshqasidan kechdim, unutdim
Ne qilay dardlarim ichimga yutdim
Bir yonda jahannam, bir yonda jannat
Bir yonda muhabbat, bir yonda nafrat

Yolg'izlar shahrining nolasidaman
Bugun ikki o'tning orasidaman
Vaslingga yetmoqlik chorasidaman
Bir yonda jahannam, bir yonda jannat
Bir yonda muhabbat, bir yonda nafrat

Kutilmagan sevgi, kutilmagan baxt
Kutilmagan qayg'u, kutilmagan dard
Ne uchun kechikib kelding jonim ayt
Bir yonda jahannam, bir yonda jannat
Bir yonda muhabbat, bir yonda nafrat

Kimdir senga zoru, sen kimgadir zor
Bir paytda ikki dil senga umidvor
Bir tomonda yurak yig'laydi nochor
Bir yonda jahannam, bir yonda jannat
Bir yonda muhabbat, bir yonda nafrat

Hayotim yozsangiz bir kitob bo'lar
Ahad Qayum endi ming g'amga to'lar
Yardor qush kabi bir oshiq yig'lar
Bir yonda jahannam, bir yonda jannat
Bir yonda muhabbat, bir yonda nafrat

Bugun bir insonning qo'lidan tutdim
Ammo boshqasidan kechdim, unutdim
Ne qilay dardlarim ichimga yutdim
Bir yonda jahannam, bir yonda jannat
Bir yonda muhabbat, bir yonda nafrat