Bobur Abdullayev - Do'stlarim

Sinov keldi bu sinovli dunyodan
Anglab barin ochilmoqda ko'zlarim
Bilinarkan boshga tushgan savdodan
Meni sindi deya ketgan do'stlarim

Pullarim borida qadrdon bo'ldim
Bir sinov kelgandi ko'zga yosh to'ldim
Kim do'st kim dushman barini bildim
Meni sindi deya ketgan do'stlarim

Qarshilik qilmasman mayliga keting
Kimning puli bo'lsa shunga do'st bo'ling
Siz osmon men yerda ustimdan kuling
Meni sindi deya ketgan do'stlarim

Xiyonat qildingiz vafolarimga
Yo'l qo'yib berdingiz xatolarimga
Javobin bermayman savollarimga
Meni sindi deya ketgan do'stlarim