Elyorbek Raxmatov - Kichkina ona

Xotira sandig'in ongim yasaydi
Bag'ringda uxlardim tinchgina
Mendan baland deding bo'ying pasaydi
Men katta bo'ldim senchi kichkina

Bolaligim chog'imni eslayman qandoq
Taom yerdim har yon ushoqlar to'kib
Keksaygach endi sen to'kyapsan ushoq
Oyog'ing ostidan teray tiz cho'kib

Kecha zaifgina chaqaloq edim
Og'zimga tutarding goh asal goh sut
Bugun esa qara men olib keldim
Istasang qovun ye istasang ye tut

Tashvishing edi yoshlik paytimda
Meni kiyintirib qo'yishdan bo'lak
Mehribonim bu bir senga qaytimda
Meni olyapman endi sen uchun ko'ylak

Esimdan chiqmagan goh och qolganing
Shunda ham doimo meni to'ydirib
To'kilgan tishlaring o'rniga sening
Xizmat qilat tishlar qo'ydirib