Gavharoyxonim Ahmedova - Ona

Boshimni silagan qo'llari o'pib
Bag'rida quvnadim, ulg'aydim o'sib
Bugun to'ylarimda o'ynasin jo'shib
Ona bu davralar sizga atalgan
Mehringiz quyoshi ko'nglim yoritgan
Dardim tinglab, dardin ichiga yutgan
Mening shu kunlarim intiqib kutgan
Ona bu davralar sizga atalgan
Boshimga tashvishlar kelganda bari
Men deya qayg' urgan kecha tunlari
Mening donaginam ko'nglim gavhari
Ona bu davralar sizga atalgan
Ne kunlar o'tmadi yaxshiyu yomon
Siz borsiz men uchun yorug' bu jahon
Yuring o'ynab kulib bor menda imkon
Ona bu davralar sizga atalgan
Beg'ubor farishtam poyi jannatim
Duoyingiz sabab shonu shuhratim
Yonimda bo'lsangiz shudir omadim
Ona bu davralar sizga atalgan