Aka-uka Farhodovlar - Xaqni ko'rar

Xaqni ko'rar ko'zimga keldim
Aytar tog'ri so'zimga keldim
Ey yolg'onchi soxta odamlar
Sizdan ketib o'zimga keldim

Goh yig'ladim, gohida kuldim
Jabringizdan bag'rimni tildim
Bugun o'zimni qadrimni bildim
Sizdan ketib o'zimga keldim

Makringizga aldandi yurak
Siz deb bo'ldim sarsoni - salak
Do'st yo'q ekan tangrimdan bo'lak
Sizdan ketib o'zimga keldim

Sodda tilak, soxta tuyg'ular
Soxta makkor, soxta kulgular
Kerak emas sizdek soxtalar
Sizdan ketib o'zimga keldim

Ko'rmasdi dil bog'langan ko'zim
Oftoblardan to'silgan yuzim
Yurar edim o'zimdan o'zim
Sizdan ketib o'zimga keldim