Shavkat Zulfiqor, Oydinoy Yo'ldosheva - Uzilmasin

Halol to'kkan teringda
Xaromga cho'zilmasin
Faqat turgan yeringdan
Oyog'ing uzilmasin

Joy izlama karmondan
Manzili yo'q karvondan
Bir umrlik armondan
Yuraging ezilmasin

Soxta sevgi yoqqanga
Kulib - kulib boqqanga
Ishvaliy qosh qoqqanga
Hayoling buzilmasin

Omad kelsa kelguvchi
Qadrdondek bo'lguvchi
Shaytoning mast qilguvchi
Oshidan suzilasin

Yesang taqdir toshidan
Yana boshlab boshidan
Nomardlarning qoshidan
Ko'zyoshing sezilmasin

To'lib - toshib kelsa ham
Aqlingni lol qilsa ham
Ikki qo'ling sinsa ham
Xaromga cho'zilmasin

Eng so'ngida pushaymon
Bilsang yomondan yomon
Qalb devorga hech qachon
Surati chizilmasin

Yo'qlab kelar bir birin
Yashirmas ko'ngil sirin
Oqibatning zanjirin
Hech qachon uzilmasin