Nurzida - Bolalar uyida yigʻlagan bola

Tunlar koʻz yoshidan yostiqlari nam
Hiqqillab jimgina uxlagan bola
Sening koʻz yoshinga arzimas olam
Bolalar uyida yigʻlagan bola
Jovdirab eshikka termular koʻzi
Ona deb aytolmas hech bitta soʻzi
Oʻzidan oʻtganin biladi oʻzi
Bolalar uyida yigʻlagan bola

Onam qachon kelar deya yoʻl kutar
Kun sanab ham oyu yillari oʻtar
Bir kuni kimnidir uvoli tutar
Bolalar uyida yigʻlagan bola
Alamdan yuragi toʻlib ketmasmi
Taqdir ham ustidan kulib ketmasmi
Bir kuni zoʻr odam boʻlib ketmasmi
Bolalar uyida yigʻlagan bola.