Ulug'bek Rahmatullayev, Nilufar Usmonova - Iymondan kechib

Ona yurt sen bizni kechirasanmi,
Ustingda turfa xil fitnalar qildik,
Gohida nafs uchun, goh boylik uchun,
SHaytonni mot qilar hiylalar qildik.(2x)

To'xtamay yugurdik nafsimiz uchun,
Baxtsizlar yaraldi baxtimiz uchun,
Ustimizga ilib kibr libosin,
Ko'z ko'z qilmoq uchun jilvalar qildik.
Ko'z ko'z qilmoq uchun jilvalar qildik.

Folbinlarni yolg'on foliga uchib,
Tab tortmay harom yeb va harom ichib,
Vijdondan, iymondan, insofdan kechib,
Sariq chaqamizni tillalar qildik.
Vijdondan, iymondan, insofdan kechib,
Sariq chaqamizni tillalar qildik.

Odam bo'lib odam sotganlarni ko'r,
Yolg'on botqog'iga botganlarni ko'r,
Kundan kunga yaqin kelsahamki go'r,
Har kun o'yin kulgu yallalar qildik.
Kundan kunga yaqin kelsahamki go'r,
Har kun o'yin kulgu yallalar qildik.

Bag'ringa boramiz bir kun hor bo'lib,
Yotamiz duoga muxtoj zor bo'lib,
Yig'laylik yolvorib tavbalar qilib,
Tavbasi yo'qlarni holini ko'rdik.(2x)

Folbinlarni yolg'on foliga uchib,
Tab tortmay harom yeb va harom ichib,
Vijdondan, iymondan, insofdan kechib,
Sariq chaqamizni tillalar qildik.
Vijdondan, iymondan, insofdan kechib,
Sariq chaqamizni tillalar qildik.