Avazbek Alimov - Ko'zlaringni yashirma

Nargiz chehra oromijon, ko`zlaringni yashirma,
Senga bo`lsin jonim qurbon, ko`zlaringni yashirma.
Tortinmasdan bergil javob, ko`zlaringni yashirma,
Sof sevgingni tutib pinhon, ko`zlaringni yashirma. 
Payvasta qosh, kiprigi o`q, sen mohitob janona,
Har sohada, malohatda o`zingmishsan yagona.
Senga nogoh ko`zim tushsa, malaksiymo marjona,
Qalbim siri bo`lgay oshkor, ko`zlaringni yashirma.
Ijozat ber, sening bilan birlikda suray davron,
Har boqishing dilga orom, ko`zlaringni yashirma,
Bir boqishing dilga orom, ko`zlaringni yashirma.
Sizga atab g`azal yozsam, misralar keldi ravon,
Surishaylik birga davron, ko`zlaringni yashirma.
Ko`zlaringni yashirma.