Bekzod Haqqiyev - Ko'rdim

Hayot nomli daryoni ko'rdim
Unda shohu gadoni ko'rdim
Obro mansab ziynat talashgan
Yurak bag'ri adoni ko'rdim
Ota ona bilmay qadrni
Xor etganda ezib bag'rini
Farzandidan ko'rgach barini
Ushbu qaytar dunyoni ko'rdim

Ko'rdim ko'rdim dunyoni ko'rdim
Dunyo ichra xatoni ko'rdim
Molu davlat yiqqanlarga ham
So'ngi hamroh matoni ko'rdim
Kelsa odam omadi nogoh
Begonalar do'st bo'lar o'rtoq
Omad ketsa davralarda goh
Ul insonga bahoni ko'rdim

Sevgisi bir gulga bog'langan
Har cho'zilgan qo'lga bog'langan
Dilga emas pulga bog'langan
Narxi arzon vafoni ko'rdim
Dilga emas pulga bog'langan
Narxi arzon vafoni ko'rdim
Ko'rdim ko'rdim dunyoni ko'rdim
Dunyo ichra xatoni ko'rdim
Molu davlat yiqqanlarga ham
So'ngi hamroh matoni ko'rdim