Jahongir Otajonov - Onajonim

Tanish eshik, qadrdon uy, jonajon hovli,
Ichkariga yo'llanaman dilim orziqib.
Onam peshvoz chiqar chopib, qo'lida chovli,
Norin solib turgan ekan shoshib, hovliqib.

Har gal shunday qaylarnidir kezib kelaman,
Munisginam har safar ham bir ish bilan band.
Qo'li tegmas qo'liga hech, hayron bo'laman,
Qaydan ekan onamdagi shunchalik g'ayrat?

Onajonim, onajonim, bir dam o'tir yonimda,
Norinni qo'y, qo'ni-qo'shni emas gapir o'zingdan.
Onajonim, onajonim, ichikibsan, sog'inibsan,
Hammasini o'qib oldim shundoqqina ko'zingdan.

Onajonim, onajonim, tin olgin biroz,
Mayli, shu on yumushlaring bitmay ham qolsin.
Turma faqat, ishim ko'p deb qilma e’tiroz,
Ko'zlaringning ziyosiga toy bolang qonsin.

Onajonim, onajonim, tin olgin biroz,
Mayli, shu on yumushlaring bitmay ham qolsin.
Turma faqat, ishim ko'p deb qilma e’tiroz,
Ko'zlaringning ziyosiga toy bolang qonsin.

Ayvon sari yetaklaydi so'rab hol-ahvol,
Par yostiqlar qo'yar, to'shar yangi ko'rpacha.
Orom olib bir ozgina, uxlab olaqol,
Norinim ham tayyor bo'lar sen turgungacha.

O'zing o'tir onajonim, norining keyin,
Qo'ni-qo'shni emas, gapir avval o'zingdan.
Ichikibsan, sog'inibsan, yana ne deyin?
Hammasini o'qib oldim shundoq ko'zingdan.

Orom na der, bildingmi sen farog'at nedir?
Nedir beg'am bo Xudo deb yonboshlab yotish?
Yumushlaring zanjiridan chiqib besabr,
Ovsin, ajam, qo'shnilarga biroz gap sotish.

Onajonim, onajonim, bir dam o'tir yonimda,
Norinni qo'y, qo'ni-qo'shni emas gapir o'zingdan.
Onajonim, onajonim, ichikibsan, sog'inibsan,
Hammasini o'qib oldim shundoqqina ko'zingdan.

Onajonim, onajonim, tin olgin biroz,
Mayli, shu on yumushlaring bitmay ham qolsin.
Turma faqat, ishim ko'p deb qilma e’tiroz,
Ko'zlaringning ziyosiga toy bolang qonsin.x